Azərbaycandan 100-dən çox xilasetmə mütəxəssisi Türkiyəyə ezam olunub - RƏSMİ

Azərbaycan bazar ertəsi Türkiyənin cənub-şərqində baş verən 7,4 bal gücündə güclü zəlzələ nəticəsində zərər çəkmiş ərazilərə 100-dən çox xilasedici mütəxəssis göndərib. Bu barədə Xarici İşlər Nazirliyindən məlumat verilib. 

 

Bildirilib ki, axtarış-xilasetmə qrupu artıq hadisə bölgələrinə ezam olunub.

 

Son məlumatlara görə zəlzələ nəticəsində ölənlərin sayı 3381 nəfərə, yaralıların sayı isə  20 426 nəfərə çatıb. Zəlzələ nəticəsində 5 775 bina dağılıb.

 

Baş verən hadisə ilə bağlı dünyanın 45 ölkəsindən Türkiyəyə dəstək müraciətləri olub. 

 

Gülnar Nazimqızı