Bu ilin ilk iki ayında ölkəyə gələn əcnəbilərin sayı açıqlanıb - RƏSMİ
30.03.2023 13:02
Bu ilin ilk iki ayında Azərbaycana dünyanın 148 ölkəsindən 232,5 min nəfər gəlib, bu da ötən ilin eyni dövrü ilə müqayisədə 1,5 dəfə çoxdur. Bu barədə Dövlət Statistika Komitəsi məlumat yayıb.
Xarici vətəndaşların 32,4 faizi Rusiya, 21,0 faizi Türkiyə, 9,2 faizi İran, 5,7 faizi Gürcüstan vətəndaşları olub.
Gələnlərin 77,5 faizini kişilər, 22,5 faizini qadınlar təşkil edib.
Ötən ilin yanvar-fevralı ilə müqayisədə MDB ölkələrindən gələnlərin sayı 1,6 dəfə artaraq 93,4 min nəfər, Avropa İttifaqına üzv ölkələrdən gələnlərin sayı 1,4 dəfə artaraq 9,5 min nəfər, körfəz ölkələrindən gələnlərin sayı 19,8 faiz artaraq 40,6 min nəfər olub.
2023-cü ilin ilk iki ayında xaricə səfər edən Azərbaycan vətəndaşlarının 29,7 faizi dəmir yolu və avtomobil, 67,8 faizi hava, 2,5 faizi isə dəniz nəqliyyatından istifadə edib.
Aytac
www.anews.az
Youtube
Bizi Youtube-da izləyin
Foto
Video
