ANAMA-nın əməkdaşları Tərtərdə minaya düşdü - Ölənlər var

Tərtərdə üç nəfər avtomobillə hərəkətdə olarkən minaya düşüb. Bu barədə Baş Prokurorluqdan məlumat verilib.

 

"Aprelin 26-sı Tərtərin Talış kəndindən Tapqaraqoyunlu kəndi istiqamətində olan ərazidə mina partlayışının baş verməsi barədə rayon prokurorluğuna məlumat daxil olub. İlkin araşdırma zamanı qeyd olunan ərazidə tank əleyhinə minanın partlaması nəticəsində 3 nəfərin ölməsi müəyyən edilib",- açıqlamada deyilir.


Faktla bağlı Tərtər rayon prokurorluğunda Cinayət Məcəlləsinin müvafiq maddəsi ilə cinayət işi başlanıb.

Qafqazinfonun məlumata görə, ölən şəxslər ANAMA-nın əməkdaşlarıdır. Onlar xidməti vəzifələrini yerinə yetirən zaman minaya düşüblər.