Prezident Türk İnvestisiya Fondu ilə bağlı sazişi təsdiqlədi

 

Qanun layihəsinə əsasən, Fondun yaradılmasında məqsəd regiondaxili ticarəti genişləndirmək, iqtisadi fəaliyyətləri dəstəkləmək vasitəsilə TDT-nin üzv dövlətlərinin iqtisadi inkişafına töhfə verməkdir.

 

Deputat Aydın Hüseynov bildirir ki, Türk İnvestisiya Fondunun yaradılması çox perspektivlidir.

 

"Artıq hər hansı layihənin həyata keçirilməsi üçün  ortada vəsait olacaq və hər bir vəsaitin qoyuluşuna ilkin olaraq hər ölkə üçün 60 min dollar nəzərdə tutulub. Bu məbləğ hissə-hissə ödəniləcək. 8 milyon, 12 milyon və yerdə qalan vəsaitin olması baxımından 3 il müddətində bunlar formalaşacaq. Qanun vericiliklə bunlar müzakirə olunur, idarəetmə şurası yaradılır və bu işlək mexanizmə çevrilən fond olacaq",- deputat vurğulayıb.

 

Sözügedən sənəd bu ilin martın 16-da Ankara şəhərində imzalanıb.