Fərid Səfərliyə qarşı rəsmi ittiham irəli sürülüb

"Fərid səhhətinin yaxşı olduğunu dedi. Məni sakitləşdirməyə başladı ki, onunla hər şey yaxşıdır. Fərid bildirib ki, onun heç bir günahı yoxdur və ona qarşı irəli sürülən ittihamlar tamamilə əsassızdır”, - Əsgərova bildirib.

Onun sözlərinə görə, Azərbaycan dövləti Səfərlinin işi ilə ciddi məşğuldur.

"Vəkilin cəlb olunması məsələsi də hökumət tərəfindən həll olunacaq. Ola bilsin ki, ona artıq vəkil tutulub.  Azərbaycanın Təbrizdəki Baş Konsulluğu Fəridlə mütəmadi olaraq əlaqə saxlayır. İnanıram ki, Fəridlə bağlı ədalətli qərar veriləcək”, - Əsgərova bildirib.

Almaniyada təhsil alan Fərid Səfərli bu ilin fevralında tanış olduğu qızla görüşmək üçün İrana gedib. Martın 4-dən Səfərli ilə  əlaqə kəsiib və yalnız 3 aya yaxın vaxt keçdikdən sonra məlum olub ki, İranda ona qarşı casusluq ittihamı ilə cinayət işi açılıb.

 

Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə  XİN-in  Fərid Səfərlinin taleyi ilə maraqlanıldığını bildirib.