Dövlət özəlləşdirmə çekləri ilə bağlı öhdəliyini yerinə yetirə bilmir - Razi Nurullayev/VIDEO

 

"Mənim də 7 özəlləşdirmə çekim var. Bu çeklərlə bağlı sosial şəbəkələrdə platformalar var. İnsanlar narahatdırlar. Aiddiyatı qurumlara müraciət etsələr də onlara cavab verən yoxdur. Çek sahibləri bir neçə maddə üzrə konstitusiya hüquqlarının pozulmasını deyirlər və Konstitusiya məhkəməsinə də məktub ünvanlayıblar. Hesab edirəm ki, bu sahədə fəaliyyət göstərən təşkilatların, fəalların və aidiyyatı hökumət strukturlarının iştirakı ilə müzakirələrin keçirilməsi vacibdir", - millət vəkili iyulun 14-də Milli Məclisin növbədənkənar iclasında çıxışı zamanı deyib. 

Özəlləşdirmə çekləri 1996-cı ildə Azərbaycanın mərhum prezidenti Heydər Əliyev tərəfindən 450 nömrəli fərman ilə 1997-ci ilədək anadan olmuş bütün ölkə vətəndaşlarına əmlak payı olaraq verilib. 

 

Hazırda təxminən 1 milyon 600 mindən çox özəlləşdirmə çekləri vətəndaşlarda saxlanılır.