Azərbaycan media azadlığında 3 ölkəni daha keçib

Məlumata görə, Azərbaycan Əfqanıstan, Tacikistan və Küveyti keçərək 180 ölkə arasında 151-ci yerə qalxıb.  2022-ci ildə ölkə 154-cü sırada olub. 

Azərbaycan 2022-ci ildən etibarən 10 ölkədən geri qalaraq siyasi göstəricidə 165-ci yerə düşüb. Siyasi göstərici dövlətin və ya digər siyasi aktorların siyasi təzyiqləri qarşısında medianın muxtariyyətinə verilən dəstəyin və hörmətin dərəcəsini qiymətləndirir.

İqtisadi göstərici hökumət siyasəti, qeyri-dövlət subyektləri (reklamçılar və ticarət tərəfdaşları) və media sahibləri ilə bağlı iqtisadi məhdudiyyətləri qiymətləndirir. Bu göstəriciyə görə, Azərbaycan 2022-ci ildən 6 pillə geriləyərək 173-cü yerdə qərarlaşıb.

Hüquqi göstərici jurnalistlər üçün hüquqi və tənzimləyici mühiti (o cümlədən senzuranın səviyyəsi, mənbələri qorumaq bacarığı və jurnalistlərə qarşı zorakılığa görə cəzasızlıq səviyyəsini) qiymətləndirir. Bu sahədə Azərbaycan ötən ildən 9 pillə geriləyərək 149-cu yeri tutub.

Sosiomədəni göstərici jurnalist azadlığına mane olan və özünüsenzuranı təşviq edən sosial və mədəni məhdudiyyətlərin (cins, sinif, etnik və din kimi məsələlərə görə) təsirini qiymətləndirir. Azərbaycan sosial-mədəni göstəriciyə görə ötən ildən 11 pillə geriləyərək 135-ci yerə düşüb.

Təhlükəsizlik göstəricisi lazımsız fiziki, psixoloji və ya peşəkar zərər riski olmadan jurnalist xəbərlərini və məlumatlarını müəyyən etmək, toplamaq və yaymaq qabiliyyətini qiymətləndirir. Təhlükəsizlik göstəricisinə görə Azərbaycan 2022-ci ildən 26 pillə irəliləyərək 126-cı yerdədir.

Sərhədsiz Reportyorlar, Fransız Sərhədsiz Reportyorlar (RSF) 1985-ci ildə Fransada bütün dünyada mətbuat azadlığını müdafiə etmək üçün yaradılmış beynəlxalq təşkilatdır.

Rabia Hale Seferoğlu
www.anews.az