Xaçatryan Bakıdan ailəsinə məktub göndərib

Azərbaycan-Ermənistan dövlət sərhədinin Laçın sərhəd-keçid məntəqəsində saxlanılan Vaqif Xaçaturya ailəsinə məktub göndərib. Bu barədə "News.am” məlumat yayıb.

 

Bildirilir ki, bu barədə məlumatı Xaçatryanın qızı Vera Xaçatryan açıqlayıb. 

 

İyulun 29-da Dövlət Sərhəd Xidmətinin əməkdaşları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılan Vaqif Xaçaturyan hazırda saxlama şəraitindən razılıq edib. Bu barədə Xaçarturyan Ombudsman Səbinə Əliyeva ilə görüşündü bildirib. 

Vaqif  Xaçaturyan 1991-ci il dekabrın 22-də Xocavəndin Meşəli kəndində baş vermiş hadisələrlə bağlı 2013-cü ildə açılmış cinayət işi çərçivəsində iyulun 29-da saxlanılıb. İstintaqın məlumatına görə, o zaman Xankəndindəki avto nəqliyyat müəssisələrindən birində sürücü işləyən Xaçatryan bu kəndə silahlı basqın edən erməni birləşmələrinin tərkibində olub, nəticədə 25 azərbaycanlı öldürülüb, 358 nəfər qanuni yaşayış yerindən zorla çıxarılıb. 2013-cü ilin dekabrında Azərbaycan məhkəməsi Xaçatryanın həbsi barədə qərar çıxarıb, eyni zamanda o, beynəlxalq axtarışa verilib.