Nazim Bəydəmirliyə qarşı ittiham ağırlaşdırılıb- VƏKİL

Sabiq deputat, iqtisadçı, iş adamı Nazim Bəydəmirliyə qarşı ittiham ağırlaşdırılıb. Bu barədə vəkil Aqil Layic öz Facebook hesabında yazıb.

 

Vəkilin sözlərinə görə, Nazim Bəydəmirli,  guya 1996-cı ildə Rusiya Federasiyasının Lipetsk şəhərində kimdənsə hədə qorxu ilə pul tələb edib

 

"Hədə-qorxu ilə tələb etmənin alt bəndinə əsasən, hədə-qorxu  təkrarən tələb etmə maddəsilə, yəni AR CM-nin 182.2.2-ci maddəsiylə yenidən ittiham irəli sürülüb. Özü bu ittihamların hamısını qondarma hesab edir. O,  ekologiya məhbusudur və həbsinin səbəbi Söyüdlü hadisələrini pərdələmək üçündür...",,- vəkil vurğulayıb.

Nazim Bəydəmirli iyulun 4-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən saxlanılıb. O hədə-qorxu ilə xeyli miqdarda əmlak tələb etmədə ittiham olunur.

İyulun 5-də Nərimanov Rayon Məhkəməsi istintaq orqanının təqdimatına baxaraq Nazim Bəydəmirli barəsində 4 aylıq həbs qətimkan tədbiri seçib.