İsveçdə Quranın yandırılmasından sonra iğtişaşlar başlayıb

İğtişaşlar bazar günündən bazar ertəsinə keçən gecə baş verib. Polisin bildirdiyinə görə, bir neçə avtomobil yandırılıb, bir neçə nəfər polis maşınlarına daş atıb.

 

Bundan əvvəl Danimarkada Türkiyənin Kopenhagendəki səfirliyi qarşısında Qurani-Kərimi təhqir edən aksiya keçirilib.

 

Kopenhagendə anti-islam və ultra-millətçi "Danske Patrioter" (Danimarka Patriotları) qrupunun üzvləri müsəlmanların müqəddəs kitabına qarşı təxribat törədiblər.

Bir qrup təxribatçı Türkiyənin Kopenhagendəki səfirliyinin qarşısında İslamı təhqir edən təhqiramiz şüarlar səsləndirib və Quranın bir nüsxəsini yandırıblar. Onlar İslam əleyhinə pankartlar açıb türk mallarını boykot etməyə çağırıblar.

 

İyulun 27-də İraqın Danimarkadakı səfirliyinin qarşısında Quran yandırılıb. İyulun 28-də isə Kopenhagendə sağçı radikal "Danske Patrioter” qrupunun nümayəndələri Misir və Türkiyə səfirliklərinin binaları qarşısında Quranı yandırıblar.
 
Gülnar