Xankəndinə növbəti humanitar yardım göndərilib

Rəsmi Bakı Qarabağda yaşayan erməniəsilli vətəndaşlar üçün növbəti humanitar yardım göndərilib. Bu barədə report məlumat verib.

Yardıma 40 ton un, gigenik vasitələr və yataq dəstləri daxildir.

Bundan əvvəl sentyabrın 22-də Qarabağ erməniləri üçün 20 tonluq humanitar yardım göndərilib.

Sentyabrın 20-də Qarabağ icmasının erməni nümayəndləri Azərbaycan rəsmi nümayəndə heyəti ilə görüşündə ərzaq yardımın ehtiyac olduğunu açıqlamışdı. 

 

Sentyabrın 18-də Beynəlxalq Qızıl Xaç Komitəsi (BQXK) Laçın dəhlizi və Ağdam yolu ilə ehtiyacı olan şəxslər üçün buğda unu və tibbi ləvazimatların çatdırılmasını həyata keçirdiyini açıqlayıb. 

 

Sentyabrın 12-də Rusiya Qızıl Xaç Cəmiyyəti tərəfindən ərzaq və qeyri-ərzaq məhsulları ilə dolu yük maşını  Ağdam rayonundan keçərək  Ağdam-Əskəran yolu ilə Xankəndinə çatdırılıb. 
 
Separatçı erməni dəstələri humanitar yardımın Ağdam-Xankəndi yolu ilə Xankəndinə getməsinə maneə törədirdi.
 
Ağdam-Əsgəran yolu 1988-ci ildən bağlıdır. Bu son 30 ildə bu yolla göndərilən ilk humanitar yük olub.  


Gülnar Nazimqızı 
www.anews.az