Bu günədək işlə təmin edilən əlilliyi olan şəxslərin sayı açıqlanıb

Dövlət Məşğulluq Agentliyi vasitəsilə bu günədək 6 763-dən çox əlilliyi olan şəxs işlə təmin edilib. Bu barədə Dövlət Məşğulluq Agentliyinin Məşğulluq tədbirləri departamentinin müdiri Pərviz Bənnalı bildirib.

 

Bu il müraciət edən əlilliyi olan şəxslərdən özünüməşğulluq fəaliyyətini və kiçik biznesini qurmaq üçün potensialları olan 1 115 nəfərdən çox əlilliyi olan şəxs özünüməşğulluq proqramına cəlb olunub.

 

2023-cü ilin 10 ayında 41 min şəxsə əlillik təyinatı aparılıb. Bunu əmək və əhalinin sosial müdafiəsi naziri Sahil Babayev parlamentdə gələn ilin dövlət büdcəsinin III oxunuşda müzakirəsi zamanı deyib. 
 
O  bildirib ki, bunların yarısı yeni, digərləri isə təkrar olub.


"Komissiyanın tərkibində aidiyyəti dövlət qurumlarının ekspertləri dəvət olunur. Narazılıq edən kiçik qrup qalıb və 4-5 dəfə komissiyada olub. Onlara da dəfələrlə əlillik təyinatı düşmədiyi deyilib",- Nazir əlavə edib.
 
2023-cü ilin on bir ayında dörd min müharibə iştiraksınına əlilik təyinatı verilib.

 Cari ildə 40 mindən artıq əlilik təyin olunub.
 
2023-cü ildə pensiya alan şəxslərin sayı 25 minə çatır. 

Aytac Zeynalova