Lənkəran niyə işıqsız qalıb? - Rəsmi açıqlama - Yenilənib

"Hazırda bir sıra ərazilərdə işıq yoxdur. Qurum bu barədə ciddi işlər görür. Əsas problem ağacların işıq dirəklərinin üzərinə düşməsindən sonra yaranıb. Buna cavabdeh şəxslər də rayonun icra hakimiyyətinə tabe olan yaşıllaşdırma idarəsidir. Zəhmət olmasa suallarınızı icra hakimiyyətinə verin ki, niyə zamanında bu ağaclar budanmır ki, nəticədə belə bir problem yaranır", - mətbuat katibi bildirib. 

 

Lənkəran İcra Hakimiyyətinin müavini Elnur Hüseynov  bildirib ki, hazırda işıqların bərpası istiqamətində işlər aparılır. 

 

"Lənkəranda qar çox yağması səbəbindən elektrik xəttlərində problem yaranır. Hazırda ağacların təmizlənməsi istiqamətində işlər görülür. Günün sonuna kimi problem aradan qaldırılacaq", - Hüseynov anews.az-a açıqlamasında deyib. 

 

 

Bildiriblər ki, işıq şəhərin yalnız bir hissəsində yanır. 

 

Məsələ ilə bağlı "Azərişıq"a müraciət etdik. 

 

Qurumun sözçüsü Vaqif Aydınoğlu bildirdi ki, qarlı hava ilə bağlı hazırda işıq problemi olarsa qurum tərəfindən bu 1-2 saat ərzində həll olunur. Hazırda hər hansı bir ərazidə işıq probleminin olması ilə bağlı məlumat daxil olmayıb. 

 

Görünən odur ki, "Azərişıq" ASC-nin 2 sutkaya yaxındır işıq olmayan Lənkərandan xəbəri yoxdur. 

 

Gülnar Nazimqızı