Qəzza zolağındakı 36 xəstəxanadan ən azı 24-ü işləmir - BMT

Qəzza zolağındakı 36 xəstəxanadan ən azı 24-ü işləmir. Bu barədə BMT-nin Humanitar Məsələlərin Əlaqələndirilməsi İdarəsinin hesabatında deyilir.

"Qəzzada səhiyyə sistemi davam edən döyüşlər və giriş məhdudiyyətləri səbəbindən dağılır və bu, xəstəxanaların sayının artmasına səbəb olur. Martın 27-nə olan məlumata görə, ÜST Qəzzadakı 36 xəstəxanadan 24-ü fəaliyyət göstərmir. İkisi Qəzzanın şimalında minimal səviyyədə, digər 10-u isə qismən işləyir, o cümlədən 4-ü Qəzzanın şimalında və 6-sı Qəzzanın cənubunda”, - hesabatda deyilir.


İsrailin 7 oktyabr 2023-cü ildən Qəzza zolağına hücumları nəticəsində azı 12 min uşaq və 8 min 190 qadın olmaqla 28 min 340 fələstinli həlak olub, 67 min 984 fələstinli yaralanıb.
 
Oktyabrın 7-də Qəzza zolağından HƏMAS yaraqlılarının İsrail ərazisinə soxulmasından sonra Yaxın Şərqdə vəziyyət kəskin şəkildə pisləşib və bu, sərhədyanı qəsəbələrin sakinlərinin öldürülməsi, uşaqlar, qadınlar və qocalar da daxil olmaqla 200-dən çox girov götürülməsi ilə müşayiət edilib.


İsrail tərəfi baş verənlərə cavab olaraq bu günə qədər davam edən "Dəmir qılınclar” əməliyyatının başlandığını elan edib.

www.anews.az