Antalyada göyərtəsində Azərbaycan vətəndaşı olan yaxta saxlanılıb

TRT telekanalının Antalya qubernatorluğuna istinadən verdiyi məlumata görə, əməliyyat şübhəlinin qaçmağı planlaşdırdığı Ukrayna bayrağı altında üzən yaxtada həyata keçirilib.

Saxlanılan şəxs baş hərfləri A.P olan 58 yaşlı Rusiya vətəndaşıdır. Yaxtanın göyərtəsində onun Azərbaycan vətəndaşı olan oğlu və Ukrayna vətəndaşı olan başqa bir şəxs olub. Əməliyyat şübhəlinin Türkiyəni dəniz yolu ilə tərk etməyə çalışacağı barədə polisə məlumat daxil olduqdan sonra həyata keçirilib.

A.P. yaşayış icazəsinin müddəti bitdiyi üçün saxlanılaraq Antalya Miqrasiya İdarəsinə aparılıb.

 

Onun oğlu və yaxtada saxlanılan ukraynalı sərbəst buraxılıb.

 

Axtarış zamanı polis axtarışda olan şəxsdən 7 min avro, 5 min dollar, 200 taylant batı, türk şəxsiyyət vəsiqəsi, Rusiya pasportu, 4 ədəd mobil telefon, 1 ədəd noutbuk müsadirə edib.