Rusiyada Ümumdünya Dostluq Oyunları ləğv edilib
17.07.2024 15:17
Rusiyada keçirilməli olan Ümumdünya Dostluq Oyunları 2025-ci ilə təxirə salınıb. Bu barədə RİA Novosti ölkənin Ağır Atletika Federasiyasının prezidenti Maksim Aqapitovun bəyanatına istinadən xəbər verib.
"Dostluq Oyunları planlaşdırılırdı. Rəsmi olaraq bilirəm ki, gələn ilə qədər təxirə salınıblar”, - o bildirib.
Birinci Dünya Dostluq Oyunlarının 2024-cü il sentyabrın 15-dən 29-dək Moskva və Yekaterinburqda keçirilməsi planlaşdırılırdı. Oyun çərçivəsində 33 yay idman növü üzrə yarışların təşkili nəzərdə tutulmuşdu.
Martda Beynəlxalq Olimpiya Komitəsi (BOK) idmanın siyasiləşdirilməsinə qarşı bəyanatla çıxış edərək, Dostluq Oyunlarından imtina etməyə çağırıb. Eyni zamanda, Rusiya Antidopinq Agentliyinin baş direktoru Veronika Loginova mayın 8-də bildirib ki, bəzi xarici laboratoriyalar yarış iştirakçılarının dopinq nümunələrini yoxlamaqdan imtina edir.
Rusiyanın Fransada keçiriləcək Olimpiya Oyunlarında iştirakına icazə verilmir. Onun vətəndaşları yarışlarda ölkəni qeyd etmədən yalnız "fərdi neytral idmançılar” kimi iştirak edə biləcəklər. Onlar üçün komanda yarışları istisna olunur. Beynəlxalq Olimpiya Komitəsinin qərarı Rusiya Silahlı Qüvvələrinin Ukraynaya müdaxiləsi ilə əlaqədar sanksiya kimi qəbul edilib.
Bununla əlaqədar olaraq hakimiyyət etiraz əlaməti olaraq iyulun 26-da Parisdə açılan yarışların federal televiziya kanallarında yayımlanmamasına qərar verib.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
