Əli Kərimli Cinayət Məcəlləsinin iki maddəsi ilə ittiham olunur

 

Məlumata görə, şikayətçi  Aydın Əliyev Sədətqulu oğlu vətəndaşdır. Onun şikayəti üzrə Əli Kərimli  Cinayət Məcəlləsinin 147, 148 maddəsi ilə ittiham olunur.

 

Azərbaycan Xalq Cəbhəsi Partiyasının sədri Əli Kərimli  də onun barəsində xüsusi ittihamla qaldırılan cinayət işi ilə bağlı hazırlıq məhkəməsi keçiriləcəyi barədə  öz sosial hesabında yazıb. 

 

"Barəmdə xüsusi ittiham qaydasında cinayət işi başladılıb. İş üzrə məhkəmənin hazırlıq iclası 13 avqust, saat 11:00-da Nəsimi rayon məhkəməsində olacaq. Məhkəmədən mənə göndərilən bildirişdə xüsusi ittihamın kim tərəfindən, hansı bəhanə ilə qaldırıldığı yazılmayıb. Elektron məhkəmə portalında da şikayətçinin kimliyi göstərilməyib",  -  Kərimli bildirib.

 

Onun sözlərinə görə,  xüsusi ittiham Cinayət Məcəlləsinin şəxsiyyətin azadlığı və ləyaqəti əleyhinə olan cinayətlər bölümü ilə əlaqədar qaldırılıb. 

 

"Cinayət Məcəlləsinin bu bölümündə siyasi rəqiblərə qarşı tez-tez istifadə olunan böhtan (147-ci maddə) və təhqir (148-ci maddə) maddələri də var", - o əlavə edib.