Yaponiya millisi 2026-cı il dünya çempionatına vəsiqə qazanan ilk komanda olub

Yaponiya millisi 2026-cı dünya çempionatının final mərhələsinə vəsiqə qazanıb.

"Report" xəbər verir ki, yığma seçmə mərhələnin VII turunda evdə Bəhreynə 2:0 hesabı ilə qalib gəlməklə vaxtından əvvəl mundialın əsas mərhələsinə yüksəlib.

"Gündoğan ölkə" təmsilçiləri yer aldığı C qrupunda 19 xal toplamaqla minimum ikinci yeri özləri üçün təmin ediblər. Yaponiyanı 10 xalla Avstraliya təqib edir. Səudiyyə Ərəbistanı, İndoneziya, Bəhreyn və Çin milliləri isə hərəyə 6 xal toplayıblar.