Sənədsiz evləri sığortalamaq mümkün deyil – Deputat

Sənədsiz evlərin sığortalanması mümkün deyil. Bunu Milli Məclisin deputatı Arzuxan Əlizadə deyib. 

“Təkcə Bakıda 500 mindən çox sənədsiz ev var. Regionalarda da belə evlərin sayı çoxdur. Belə evləri sığorta etmək də mümkün deyil. Sabunçuda leysanların çox yağması səbəbindən nə qədər evə ziyan dəyib. Həmin evlərin sənədi olmadığı üçün vətəndaşlara bu məsələdə heç bir dəstək olmaq mümkün olmur. Həmin ərazidə Balaxanı neft buruqları da olduğu üçün həmin evlərə neftli sular dolmuşdu. Demək olar ki, 30-dan çox evə dəyən ziyana görə nəticə olaraq o evlərdə yaşamaq mümkünsüz hala gəlmişdi”, - deputat bildirib. 

Deputat Siyavuş Novruzov da bildirib ki, sənədsiz evlərə sənədin verilməmisinin obyektiv və subyektiv səbəbləri var. Əsas səbəblərdən biri isə həmin evlər kənd təsərrüfatlı torpaqlarda tikildiyi üçün sənəd almaq mümkün olmur.

Gülnar Nazimqızı