Deputat vəfat etmiş şəxsin pensiya vəsaitlərinin ailəsinə köçürülməsini təklif edir

Milli Məclisin deputatı Əziz Ələkbərli vəfat etmiş şəxslərin sosial sığorta hesablarında toplanmış vəsaitlərin sığorta hissəsinin ailə üzvlərinə daha çevik formada ödənilməsi ilə bağlı qanunvericilikdə dəyişilik edilməsini təklif edib.

Ələkbərlinin sözlərinə görə, hazırda ölmüş şəxsin həyat yoldaşı pensiya yaşına çatmamışsa, mərhumun pensiya hüquqlarından yararlanmaq üçün illərlə gözləmək məcburiyyətində qalır.

“Təklif edirəm ki, ölən şəxsin pensiya fonduna yığılmış sığorta hissəsi dərhal ailəsinə köçürülsün. Bu, ağır vəziyyətdə olan ailələrə ciddi sosial dəstək olar”, – deputat bildirib.

Musa Quliyev isə qeyd edib ki, özəl pensiya fondları haqqında qanun layihəsi hazırlanır və bu cür mexanizmlər gələcəkdə vətəndaşla pensiya fondu arasında müqavilələr əsasında tənzimlənə bilər.

Gülnar Nazimqızı