Deputat: Psixoloji xidmətlərin genişləndirilməsinə vəsait ayrılmasını təklif edir

Azərbaycanda psixoloji xidmətlərin genişləndirilməsi və bu sahədə ixtisaslı mütəxəssislərin hazırlanması vacib məsələdir. Bunu Milli Məclisin deputatı Nigar Məmmədova 2026-ci ilin dövlət büdcəsinə münsibət bildirərkən deyib. 

Deputatın sözlərinə görə, uşaqlara psixoloji dəstəyin gücləndirilməsi, eyni zamanda valideynlərin maarifləndirilməsi üçün dövlət büdcəsindən məqsədyönlü vəsait ayrılmalıdır.

“Psixoloqların peşəkar səviyyədə hazırlanması, məktəblərdə və icmalarda psixoloji xidmətlərin əlçatanlığının artırılması cəmiyyətin sağlam inkişafı üçün əsas şərtlərdən biridir,” –  Məmmədova vurğulayıb.

Son illərdə Təhsil və Səhiyyə nazirlikləri birgə şəkildə məktəblərdə və tibb müəssisələrində psixoloji xidmətlərin inkişafı istiqamətində proqramlar həyata keçirir. Rəsmi məlumatlara əsasən, ölkədə 2000-dən çox psixoloq fəaliyyət göstərsə də, regionlarda bu xidmətlərə çıxış məhduddur. 

Gülnar Nazimqızı