Əli Kərimli və Məmməd İbrahim istintaqa cəlb edilib - Yenilənib

Ötən gün AXCP sədri Əli Kərimli və AXCP sədrinin müşaviri Məmməd İbrahimin evlərində Dövlət Təhlükəsizliyi Xidməti (DTX) tərəfindən axtarış aparılıb,hər iki şəxs PA-nın sabiq rəhbəri Ramiz Mehdiyevlə bağlı DTX-də davam edən cinayət işi üzrə artıq şübhəli şəxs qismində istintaqa cəlb ediliblər.

Hələlik onlara ittiham elan edilməyib.

***

Azərbaycan Dövlət Təhlükəsizlik Xidməti (DTX) Azərbaycan Xalq Cəbhəsi Partiyasının (AXCP) sədri Əli Kərimlinin evində axtarış aparıb.

Axtarış zamanı “Milyarderlər İttifaqı” ilə mümkün əlaqələri əks etdirən materiallar, Ramiz Mehdiyevin yazdığı məktubun mediada yer almayan ilkin redaktə variantı və digər sənədlər götürülüb.

Bu dəlillər AXCP sədrinin “boz kardinal” kimi tanınan Mehdiyevlə əlaqələri barədə şübhələri gücləndirib. 

İlkin araşdırma çərçivəsində müxtəlif ünvanlarda axtarışların aparıldığı, çoxsaylı şahidlərin dindirildiyi və əhəmiyyətli sübutların toplandığı barədə məlumatlar yayılıb.

***

Hazırda Azərbaycan Xalq Cəbhəsi Partiyasının (AXCP) sədri Əli Kərimlinin və Rəyasət Heyətinin üzvü Məmməd İbrahimin evində Dövlət Təhlükəsizlik Xidməti tərəfindən axtarış aparılır. Bu barədə partiyanın sədr müavini Seymur Həzi anews.az-a açıqlamasında bildirib.

Seymur Həzi bildirib ki, partiya yaxın zamanda detallı məlumat yayacaq.