Noyabrda 92 nəfər zəhərlənib

Bu ilin noyabrında Kliniki Tibbi Mərkəzin (KTM) Toksikologiya şöbəsinə müxtəlif mənşəli zəhərlənmə diaqnozu ilə 92 nəfər hospitalizasiya olunub. Bu barədə  KTM-dən bildirilib. 

Onun sözlərinə görə, xəstələrin 89-u stabil vəziyyətdə ambulator müalicə üçün evə buraxılıb. Hospitalizasiya olunanların səbəbləri arasında dərman preparatları (32 nəfər), sirkə turşusu (30 nəfər), spirtli içkilər (3 nəfər), həlledici və yandırıcı məhlullar, allergik reaksiyalar, fosfor üzvi birləşmələri, anafilaktik şok, tüstü və dəm qazı yer alıb.

Tibbi personal bütün xəstələrə toksikoloji və reanimasion yardım, intensiv terapiya və detoksikasiya tədbirləri tətbiq edib. Lakin üç pasiyentin (2 kişi, 1 qadın) həyatı xilas olunmayıb. Ölüm hallarının əsas səbəbi ağır anafilaktik şok və sirkə turşusu ilə zəhərlənmə nəticəsində yaranmış toksik vəziyyət olub.