217 nəfərə sosial xidmət göstərilib - Rəsmi

Bu il Sosial Xidmətlər Agentliyinin Həssas əhali qrupları üçün Sığınacaq və Sosial Reabilitasiya Müəssisəsi 217 nəfərə xidmət göstərib. Bu barədə Əmək və Əhalinin Sosial Müdafiəsi Nazirliyinin tabeliyində Agentlik məlumat verib.

Məlumatda bildirilir ki, müəssisədə sosial xidmətə ehtiyacı olan şəxslər fərdi plan əsasında cəmiyyətə reinteqrasiyaya dəstək alır, gündəlik yemək, yaşayış yeri və geyim təmin edilir.

Müəssisəyə baxımsız, kimsəsiz və sosial təhlükəli vəziyyətdə olan yetkinlik yaşına çatmayan şəxslər, evsizlər, məişət zorakılığı qurbanları və görmə qabiliyyəti məhdud 5–29 yaşlı şəxslər qəbul olunur. 217 nəfərdən 79-u kişi, 56-sı qadın, 82-si uşaqdır.