Bəzi rayonlara yağış yağır - Faktiki hava

Dekabrın 4-ü saat 10:00-a olan faktiki hava məlumatına görə, Azərbaycanın bir neçə bölgəsində yağıntılı hava şəraiti davam edir.

Milli Hidrometeorologiya Xidmətinin məlumatına görə, Lənkəran-Astara zonasında leysan xarakterli intensiv yağış, Zaqatalanın (Əlibəy) yüksək dağlıq ərazilərində isə qar yağışı müşahidə olunub. Qarın hündürlüyü 1 sm, düşən yağıntının miqdarı isə Lənkəranda 56 mm, Astarada 44 mm, Lerikdə 4 mm, Yardımlıda 2 mm, Gədəbəy, Qax, Zaqatala, Qəbələ, Quba, Şabran və Göyçayda isə 1 mm təşkil edib.

Eyni zamanda, Naxçıvan, Şərur, Sədərək, Gəncə, Şəmkir, Qax, Şəki, Zaqatala, Şamaxı, Qobustan, Altıağac, Quba, Qusar, Göyçay, Zərdab, Sabirabad və Lerikdə duman müşahidə olunub, görünüş məsafəsi bəzi ərazilərdə 500 metrədək azalıb.