SOCAR və "UCC Holding" Dəməşq Hava Limanına yanacaq təchizatı üzrə memorandum imzalayıb

Azərbaycan Dövlət Neft Şirkəti (SOCAR) və "UCC Holding" Dəməşq Hava Limanına yanacaq təminatı üzrə Anlaşma Memorandumu imzalayıb. Bu barədə şirkətdən bildirilib. 

Memorandum çərçivəsində şirkətlər aeroportu yanacaqla təmin edəcək, zəruri infrastrukturu qurmaq üçün birgə müəssisə yaratmağı planlaşdırır. SOCAR birgə müəssisədə yanacaq təchizatı əməliyyatlarına texniki dəstək göstərəcək və aviasiya yanacağının təminatını həyata keçirəcək.

Bu ilin 6 sentyabrında SOCAR və "UCC Holding" Suriyada və beynəlxalq enerji bazarlarında uzunmüddətli əməkdaşlığı nəzərdə tutan digər anlaşma memorandumlarını da imzalayıb.