Ağcabədi Pedaqoji Kollecinə və Qida Sənayesi Kollecinə yeni direktor müavinləri təyin edilib

Elm və Ali Təhsil üzrə Dövlət Agentliyinin əmri ilə iki kollecdə yeni tədris işləri üzrə direktor müavinləri təyin olunub.

Məlumata görə, Əhəd Məmmədov Ağcabədi Pedaqoji Kollecinin, İsmayıl Məmmədov isə Azərbaycan Dövlət İqtisad Universitetinin nəzdində fəaliyyət göstərən Qida Sənayesi Kollecinin direktor müavini vəzifəsinə gətirilib.

Əhəd Məmmədov “İngilis dili müəllimliyi” üzrə bakalavr təhsilini Azərbaycan Müəllimlər İnstitutunun Şəki filialında alıb, magistratura təhsilini ADA Universitetində davam etdirir. O, 2017-ci ildən müəllim kimi çalışıb, müxtəlif məktəblərdə dərs deyib və beynəlxalq layihələrdə iştirak edib.

İsmayıl Məmmədov isə Bakı Dövlət Universitetində “Regionşünaslıq”, Azərbaycan Dövlət İqtisad Universitetində “Biznesin təşkili və idarə edilməsi (Maliyyə)” üzrə təhsil alıb. O, özəl sektorda və Müdafiə Sənayesi Nazirliyinin Elmi-Tədqiqat İnstitutunda çalışıb, son olaraq UNEC-də müəllim vəzifəsində fəaliyyət göstərib.

Gülnar