Çinin Cənubi Qafqazdakı birbaşa xarici investisiyaları on ildə 2,5 dəfə artıb

Çin kapitalının Cənubi Qafqaz regionundakı birbaşa xarici investisiya (BXİ) portfeli son on ildə 2,5 dəfə artaraq 2025-ci ilin ilk yarısında 690 milyon ABŞ dollarına çatıb. Bu investisiyaların təxminən 60%-i Azərbaycana, 40%-i Gürcüstana yönəlib. Bu barədə Avrasiya İnkişaf Bankı (EDB) bildirib.

EDB-nin hesabatına görə, regionda Çin kapitalının əsas hədəfi Azərbaycan olaraq qalır və investisiyaların əsas diqqəti emal sənayesi və energetika sektorlarına yönəlir ki, bu da Çinin əvvəllər hasilat yönümlü layihələrdən mərhələli şəkildə uzaqlaşdığını göstərir.

Qlobal BXİ axınları 2024-cü ildə 11% azalsa da, Çin investisiyaları Avrasiya regionunda artmağa davam edib və son 18 ayda 7,4 milyard ABŞ dolları artaraq 66 milyard dolları ötüb.

Cənubi Qafqaz regionu həcminə görə Mərkəzi Asiya və Avrasiya İqtisadi İttifaqı ölkələri ilə müqayisədə kiçik paya malik olsa da, sabit və struktur baxımından keyfiyyətli investisiya portfeli ilə fərqlənir.

Çinin Avrasiya regionundakı ümumi BXİ portfeli 2025-ci ilin ortalarına 66,1 milyard ABŞ dollarına çatıb ki, bu da son on ildə 80% artım deməkdir və emal sənayesi ilə energetika hazırda artımın əsas drayverləri hesab olunur.

Aytac