Dövlət Məşğulluq Agentliyinə yeni sədr təyin olunub

Əmək və əhalinin sosial müdafiəsi naziri Anar Əliyevin əmri ilə Hasil Vasif oğlu Abbasov Nazirliyin tabeliyində fəaliyyət göstərən Dövlət Məşğulluq Agentliyinin İdarə Heyətinin sədri vəzifəsinə təyin olunub. Bu barədə nazirlik məlumat yayıb. 

Abbasov 2012–2014-cü illərdə Dünya Bankı ilə birgə layihələrdə, 2014–2019-cu illərdə özəl sektorda müxtəlif vəzifələrdə çalışıb.

O, 2019-cu ildən Əmək və Əhalinin Sosial Müdafiəsi Nazirliyində sektor müdiri, ASAN İnnovativ İnkişaf Mərkəzinin direktoru, Əmək Bazarı və Sosial Müdafiə Məsələləri üzrə Milli Observatoriyanın İdarə Heyəti sədrinin müavini kimi vəzifələrdə fəaliyyət göstərib.

Abbasov 2024-cü ilin oktyabr ayından etibarən hazırkı təyinatına qədər Dövlət Məşğulluq Agentliyinin İdarə Heyəti sədrinin müavini olub.

Dövlət Məşğulluq Agentliyinin İdarə Heyətinin əvvəlki sədri Sadiq Cabir oğlu Əliyev digər sahədə fəaliyyətə başlamaq istəyi ilə bağlı öz ərizəsi əsasında vəzifəsindən azad edilib.

Gülnar