Yeni metrolar bu ərazilərdə tikiləcək - Siyahı

Metroda bənövşəyi xətt üzrə bu il istifadəyə verilməsi planlaşdırılan B4 stansiyası 1 saylı Mərkəzi Klinik Xəstəxananın arxa hissəsində yerləşəcək. Bunu “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Azərbaycan televiziyasına müsahibəsində deyib. 

Ondan sonrakı stansiya “Nizami”, daha biri isə “Sahil” metrostansiyalarının yaxınlığında inşa olunacaq.

Planlara əsasən, növbəti stansiya “Port Baku” kimi tanınan ərazinin yaxınlığında yerləşəcək.

Bundan əlavə, “Xətai” stansiyasında əlavə keçid, Babək prospekti üzərində yeni stansiya tikintisi də nəzərdə tutulur.

Yaşıl xətt üzrə inkişaf planlarına görə isə “Xətai”dən sonrakı stansiyalar Nizami Gəncəvi adına parkın yaxınlığında və “Ağ Şəhər” layihəsinin inkişaf etməkdə olan hissəsində yerləşəcək.

Y15 stansiyası 8 Noyabr prospektindən NZS qəsəbəsinə dönən hissədə planlaşdırılır.

Həmçinin Nargilə dairəsi və ya keçmiş Bakı Avtomobil Zavodu ərazisində daha bir stansiyanın tikintisi gündəmdədir.

Aytac