Cəbrayıl və Füzulidəki yanğınlar söndürülüb

Cəbrayıl və Füzuli rayonlarında baş vermiş yanğınlar söndürülüb. Bu barədə Fövqəladə Hallar Nazirliyi məlumat verib.

Nazirliyin bildirdiyinə görə, Dövlət Yanğından Mühafizə Xidmətinin qüvvələri tərəfindən görülmüş zəruri və təxirəsalınmaz tədbirlər nəticəsində yanğınlar daha geniş ərazilərə yayılmadan söndürülüb.

Yanğınlar Cəbrayıl rayonunun Cocuq Mərcanlı kəndi, Füzuli rayonunun Horadiz şəhəri və Əhmədalılar qəsəbəsi, həmçinin Qazaxlar və Mirzənağılı kəndləri istiqamətində açıq ərazidə baş vermişdi.

FHN hadisə ilə bağlı əhalinin təhlükəsizliyi üçün bütün zəruri tədbirlərin görüldüyünü açıqlayıb.