Kamran Əliyevdən yeni təyinatlar

Baş prokuror Kamran Əliyevin müvafiq əmrləri ilə prokurorluq orqanlarında bir sıra kadr təyinatları həyata keçirilib.

Rəsmi məlumata görə, Azərbaycan Respublikası Hərbi prokurorunun müavini Şəfahət İmranov Abşeron rayon prokuroru vəzifəsinə təyin edilib. Baş prokurorun digər əmrinə əsasən, Azərbaycan Respublikası Hərbi prokurorunun sabiq müavini Fuad Məmmədov Tərtər rayon prokuroru vəzifəsinə gətirilib.

Eyni zamanda, Kamran Əliyevin digər əmri ilə Tərtər rayon prokuroru Əli Qurbanov Tərtər hərbi prokuroru vəzifəsinə təyin olunub.

Prokurorluqdan bildirilib ki, Şəfahət İmranov və Fuad Məmmədov həqiqi hərbi xidmətdən ehtiyata buraxılıb və “Prokurorluq orqanlarında qulluq keçmə haqqında” Azərbaycan Respublikasının Qanununa uyğun olaraq onlara baş ədliyyə müşaviri xüsusi rütbəsi verilib.

Qeyd olunur ki, bu kadr dəyişiklikləri prokurorluq orqanlarının fəaliyyətinin daha səmərəli təşkili və idarəetmənin gücləndirilməsi məqsədi daşıyır.

Aytac Zeynalova