Son 2 gündə necə cinayətin üstü açılıb? - Statistika

Fevralın 7–8-də ölkə ərazisində cəmi 105 cinayətin açılması təmin edilib. Onlardan 96-sı həmin günlərdə qeydə alınan, 9-u isə əvvəlki dövrlərdən bağlı qalan cinayətlərdir. Bu barədə Daxili İşlər Nazirliyinin (DİN) məlumatında qeyd olunub. 

Polis əməliyyatları nəticəsində ümumilikdə 101 nəfər axtarışda olan şəxs saxlanılıb. Saxlanılanların 47-si borclu şəxs qismində axtarışda olub və aidiyyəti üzrə təhvil verilib.

DİN-in açıqlamasına əsasən, narkotiklərlə əlaqəli 65 fakt, qanunsuz saxlanılan silah-sursatın aşkarlanması və götürülməsi ilə bağlı 31 fakt müəyyən edilib. Həmçinin cinayət törətməkdə şübhəli bilinən 109 nəfər saxlanılıb.

Gülnar