Azərbaycanda haqsız rəqabət üzrə pozuntuların 73%-i əmtəə nişanlarından qanunsuz istifadə ilə bağlı olub

Azərbaycanda 2025-ci ildə haqsız rəqabət halları ilə bağlı aparılan araşdırmalar zamanı əmtəə nişanlarından qanunsuz istifadə əsas pozuntu növü kimi qeydə alınıb. Bu barədə Prezident yanında Antiinhisar və İstehlak Bazarına Nəzarət Dövlət Agentliyi məlumat yayıb.

Agentliyin məlumatına görə, ötən il haqsız rəqabət halları üzrə 75 təsərrüfat subyekti barəsində araşdırma aparılıb. Araşdırmalar nəticəsində rəqabət qanunvericiliyinin pozulması əlamətləri üzrə 28 iş qaldırılıb.

Eyni zamanda, 23 təsərrüfat subyekti pozuntuları könüllü şəkildə aradan qaldırıb.

Pozuntuların mahiyyəti üzrə bölgüyə əsasən, əmtəə nişanından qanunsuz istifadə etməklə haqsız rəqabət halları üstünlük təşkil edib — bu kateqoriya üzrə 55 fakt qeydə alınıb. Digər haqsız rəqabət növləri üzrə isə 20 pozuntu müəyyən edilib.