Bakıda 3 marketdə yararsız qida məhsulları aşkarlanıb

Bakıda aparılan yoxlamalar zamanı “Volt”, “Megastore” və “The Place” ticarət obyektlərində istehlaka yararsız qida məhsulları satışa çıxarılıb.

Qida Təhlükəsizliyi Agentliyinin məlumatına görə, Nəsimi rayonunda “Volt” market, Nərimanov rayonunda “Megastore” supermarket və Nəsimi rayonunda “The Place” ictimai iaşə obyektində yararlılıq müddəti bitmiş ət və süd məhsulları, dondurulmuş yarımfabrikatlar, un məmulatları və alkoqolsuz içkilər dövriyyədən çıxarılıb və məhv edilib.

“Megastore” və “The Place”də həmçinin sanitariya norma və qaydalarının pozulması müəyyən edilib. Hər üç obyekt üzrə sahibkarlıq subyektləri barəsində inzibati protokol tərtib olunub.