Ötən il1445 körpə37-ci həftədə doğulub

2025-ci il Azərbaycanda 1 445 azçəkili (prematur) körpə doğulub. Bu barədə İcbari Tibbi Sığorta üzrə Dövlət Agentliyinin məlumat yayıb. 

Agentlik bildirir ki, vaxtından əvvəl doğulmuş körpələrin müayinə və stasionar müalicəsi icbari tibbi sığorta hesabına təmin olunur.

2025-ci ildə doğulan azçəkili körpələr xüsusi tibbi nəzarət altında saxlanılıb, tənəffüs çatışmazlığı diaqnozu qoyulan 2 538 yenidoğulmuş isə oksigen, ventilator dəstəyi və digər təcili reanimasiya üsulları ilə müalicə alıb. Ümumilikdə yenidoğulmuşlara 109 mindən çox tibbi xidmət göstərilib.

Vaxtından əvvəl doğulan uşaqlar hamiləliyin 37-ci həftəsindən əvvəl dünyaya gələn körpələrdir və çox vaxt az çəki ilə doğulurlar.

Erkən və azçəkili doğulan körpələrdə tənəffüs problemləri, intrakranial qanaxmalar, sarılıq və çəki artımının zəif olması kimi ağırlaşmalar baş verə bilər. Uzunmüddətli dövrdə isə nitq inkişafında gecikmələr, görmə və eşitmə problemləri, xroniki ağciyər xəstəlikləri müşahidə oluna bilər.

Agentlik vurğulayır ki, adekvat neonatal qulluq, düzgün qidalanma, infeksiyaların profilaktikası və erkən reabilitasiya bu riskləri əhəmiyyətli dərəcədə azalda bilər.

Gülnar