Milli komandamız FIBA Çempionlar Kubokunda ikinci yeri tutub

Azərbaycanın qadınlardan ibarət 3x3 basketbol üzrə milli komandası Tailandın paytaxtı Banqkokda təşkil olunan FIBA Çempionlar Kubokunda ikinci yeri tutaraq gümüş medal əldə edib.

Yığma final qarşılaşmasında Niderland komandası ilə üz-üzə gəlib və görüş 12:21 hesabı ilə rəqibin xeyrinə başa çatıb.

Komanda finala yüksəlməzdən əvvəl yarımfinal mərhələsində ABŞ millisi ilə qarşılaşıb və gərgin keçən oyunda 22:20 hesablı qələbə qazanıb.

Turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028-ci ildə keçiriləcək Yay Olimpiya Oyunlarına vəsiqə verən Olimpiya Təsnifat turnirində iştirak imkanı qazanır.