Sumqayıt Musiqi Kolleci məzunları attestasiyada ən zəif nəticə göstərib

Sumqayıt Musiqi Kollecinin məzunları attestasiyada ən zəif nəticəni göstəriblər.

Bu barədə mədəniyyət nazirinin müşaviri Cəsarət Valehov Milli Məclisin Elm və Təhsil Komitəsinin “İncəsənət məktəblərinin mövcud vəziyyəti və inkişaf perspektivləri” mövzusunda keçirilən ictimai dinləmədə məlumat verib.

Onun sözlərinə görə, Sumqayıt Musiqi Kollecindən məzun olan 287 nəfər attestasiyada uğursuz nəticə göstərib. Azərbaycan Milli Konservatoriyasının nəzdindəki Musiqi Kollecini bitirənlər arasında bu rəqəm 170 nəfər, Şuşa Musiqi Kollecinin məzunları üzrə 60 nəfər, Bakı Musiqi Akademiyası üzrə 33 nəfər, Ağdam Musiqi Kolleci üzrə isə 24 nəfər təşkil edib.

Valehov qeyd edib ki, nəticələr incəsənət təhsilinin keyfiyyəti və inkişaf perspektivlərinin təhlili baxımından mühüm göstərici rolunu oynayır.