Şükürbəyli kəndində 635 fərdi ev istifadəyə verilib

Cəbrayılın Şükürbəyli kəndində 635 fərdi ev istifadəyə verilib. Bunu Məcburi Köçkünlərin Sosial İnkişaf Fondunun direktor müavini Vüqar İmranov "Report"a açıqlamasında deyib.

"Şükürbəyli kəndi 286 hektar ərazidə 1042 ailəlik fərdi yaşayış evi üçün layihələndirilib. Kənddə ilkin mərhələdə iki, üç, dörd və beş otaqlı olmaqla 635 fərdi ev istifadəyə verilib. Hər biri 80 yerlik olmaqla iki körpələr evi-uşaq bağçası 360 yerlik orta məktəb və musiqi məktəbi inşa edilib. Həmçinin 350 yerlik klub da tikilib".

2026-cı ildə azad olunmuş ərazilərin bərpası üçün dövlət büdcəsindən 3,5 milyard manat vəsait ayrılması nəzərdə tutulur.

2020-2025-ci illər ərzində həmin ərazilərin yenidən qurulması üçün ümumilikdə 22 milyard manat vəsait xərclənib, 2025-ci ildə isə bu məqsədlə 4,4 milyard manat ayrılıb.

Beləliklə, 2025-ci il də daxil olmaqla, işğaldan azad olunmuş ərazilərin bərpasına yönəldilən ümumi vəsait 25,5 milyard manata çatıb.

Rəsmilər bundan əvvəl 2026-cı ilin sonunadək Qarabağ bölgəsinə 120 min nəfərin köçürülməsinin planlaşdırıldığını bəyan ediblər.

Aytac