Si Cinpin İlham Əliyevi Müstəqillik Günü münasibətilə təbrik edib

Çin prezidenti Si Cinpin İlham Əliyevə Azərbaycanın Müstəqillik Günü münasibətilə təbrik məktubu göndərib.

Təbrikdə Si Cinpin Azərbaycan xalqına səmimi təbriklərini və ən xoş arzularını çatdırıb.

Çin lideri bildirib ki, Çin və Azərbaycan hərtərəfli strateji tərəfdaşdır və son illərdə ikitərəfli münasibətlər yeni səviyyəyə yüksəlib.

Onun sözlərinə görə, müxtəlif sahələrdə əməkdaşlıq mühüm nəticələr verib və Pekin Bakı ilə əlaqələrin inkişafına böyük əhəmiyyət verir.

“Çin-Azərbaycan münasibətlərinin inkişafına böyük əhəmiyyət verirəm və xalqlarımızın rifahı naminə ikitərəfli əlaqələrin dinamikasının gücləndirilməsi üçün Sizinlə birgə səylər göstərməyə hazıram”, — məktubda deyilir.

Si Cinpin məktubun sonunda Azərbaycana tərəqqi və qüdrət, xalqına isə xoşbəxtlik və əmin-amanlıq arzulayıb.