Bahar Muradova qadın siyasəti üzrə əsas prioritetləri açıqlayıb

Müsbət dinamika ilə yanaşı, gender bərabərliyi sahəsində qarşıda duran əsas strateji prioritetlər qalmaqdadır. Bunu Ailə,Qadın və Uşaq Problemləri üzrə Dövlət Komitəsinin sədri Bahar Muradova Milli Məclisdə çıxışı zamanı deyib. 

Onun sözlərinə görə, əsas hədəflər qadınların iqtisadi qərarvermədə iştirakının artırılması, yüksək gəlirli və innovativ sahələrə çıxış imkanlarının genişləndirilməsi və regionlarda gender bərabərliyinin gücləndirilməsidir.

Muradova qeyd edib ki, qadınların mülkiyyət və resurslara çıxış imkanlarının artırılması, eləcə də rəqəmsal gender monitorinq sistemlərinin inkişafı da prioritet istiqamətlər sırasındadır.

O əlavə edib ki, bu istiqamətlər üzrə daha ətraflı məlumat təqdim olunan materiallarda və aidiyyəti dövlət qurumunun elektron resurslarında yer alıb.

Gülnar Nazimqızı