Xüsusi karantin rejimi oktyabrın 1-nə kimi uzadılıb

Azərbaycanda  xüsusi karantin rejiminin müddətini 2026-cı il oktyabrın 1-dək uzadıb.

Baş nazir Əli Əsədov tərəfindən imzalanan qərara əsasən, koronavirus (COVID-19) infeksiyasının yayılmasının və onun törədə biləcəyi nəticələrin qarşısının alınması məqsədilə xüsusi karantin rejimi 2026-cı il oktyabrın 1-i saat 06:00-dək qüvvədə saxlanılacaq.

Son illərdə karantin rejimi çərçivəsində tətbiq olunan məhdudiyyətlərin əksəriyyəti ləğv edilsə də, qüvvədə qalan əsas tədbir Azərbaycanın quru sərhədlərinin bağlı saxlanılmasıdır.

Azərbaycan COVID-19 pandemiyası dövründə tətbiq edilən xüsusi karantin rejiminin müddətini mütəmadi olaraq uzadır. Ölkənin quru sərhədləri 2020-ci ildən etibarən bağlı qalır, hava nəqliyyatı isə xüsusi qaydalar əsasında fəaliyyət göstərir.

Prezident İlham Əliyev son çıxışlarında quru sərhədlərin bağlı saxlanılmasının milli təhlükəsizlik baxımından əhəmiyyətli olduğunu bildirib. Dövlət başçısının sözlərinə görə, bu tədbir Azərbaycanı regionda baş verən müxtəlif təhlükələrdən və risklərdən qorumağa kömək edib.

Quru sərhədlərin açılması məsələsi son illərdə ictimai müzakirələrin mövzusu olsa da, hökumət sərhəd rejiminin dəyişdirilməsi ilə bağlı hər hansı tarix açıqlamayıb.

Gülnar Nazimqızı