Qanunsuz işdən çıxarılan 63 nəfər işinə qaytarılıb

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti yanvar-iyulda işəgötürənlər tərəfindən işçilərə 456 049 manat sosial xarakterli ödənişin gecikdirildiyini müəyyən edib.

Görülən tədbirlər nəticəsində vəsait işçilərə ödənilib. Ödənişlərin 91%-ni əməkhaqqı, 9%-ni isə zərərə görə ödənc, müavinət və kompensasiyalar təşkil edib.

Müraciətlərin araşdırılması zamanı 63 işçinin əmək müqaviləsinə qanunvericiliyin tələbləri pozulmaqla xitam verildiyi də müəyyən olunub.

Görülən tədbirlər nəticəsində həmin işçilər əvvəlki iş yerlərinə bərpa ediliblər.