Rusiyadan Ermənistana Azərbaycandan tranzitlə daha 242 ton propan göndərilib

Rusiyadan Ermənistana Azərbaycandan tranzit keçməklə daha bir yük partiyası göndərilib.

“Azərbaycan Dəmir Yolları” QSC-nin məlumatına görə, 7 vaqondan ibarət və ümumi çəkisi 242 ton olan propan avqustun 24-də Biləcəri stansiyasından Böyük Kəsik istiqamətinə yola salınıb.

Bu, Rusiya ilə Ermənistan arasında Azərbaycan ərazisindən tranzit daşımalarının növbəti mərhələsidir.

İndiyədək Rusiyadan Ermənistana Azərbaycan ərazisindən tranzitlə 50 min tondan çox taxıl, 9 min tona yaxın gübrə, 1 172 ton propan, 133 ton alüminium, 1 114 ton kömür və 67 ton taxta göndərilib.

Bundan başqa, Azərbaycandan Ermənistana indiyədək 15 min tona yaxın dizel yanacağı, 5 min tona yaxın Aİ-92 və Aİ-95 markalı benzin ixrac edilib.