Qara dənizdə ticarət gəmisi yanıb, 12 heyət üzvü xilas edilib

Qara dənizdə, Rumıniyanın eksklüziv iqtisadi zonasında “PROGRESS IV” ticarət gəmisində yanğın baş verib, 12 heyət üzvünün hamısı xilas edilib. Bu barədə  “Informat” portalının məlumatında qeyd olunub.

Hadisə avqustun 27-də saat 19:00 radələrində Sfintu Gheorghe şəhərindən təxminən 32 kilometr məsafədə qeydə alınıb.

Yanğın nəticəsində gəmi zədələnib və ehtimal edilir ki, batıb. Hadisə zamanı bir dənizçi xəsarət alıb.

Rumıniya Prezidenti Nikos Dan hadisənin səbəblərinin hələ məlum olmadığını bildirib. O, insidentin Rumıniyanın ərazi sularında baş verdiyini qeyd edib.

Hadisənin səbəblərinin müəyyənləşdirilməsi üçün araşdırma aparılır.

Gülnar Nazimqızı