Fransaya casusluqda ittiham olunan Fransa vətəndaşı azadlığa buraxılıb

Fransaya casusluqda ittiham olunan Fransa vətəndaşı Martin Ryan Ədliyyə Nazirliyi Penitensiar Xidmətinin Lənkərandakı cəzaçəkmə müəssisəsindən azadlığa buraxılıb.

Bu barədə Penitensiar Xidmət rəisinin müavini, general-mayor Oktay Məmmədov 17 saylı cəzaçəkmə müəssisəsində Əfv Sərəncamının icrası zamanı bildirib.

Onun sözlərinə görə, Lənkərandakı cəzaçəkmə müəssisəsindən iki nəfər əfv olunaraq cəzalarının çəkilməmiş hissəsindən azad edilib. Onlardan biri Fransa vətəndaşıdır.

“Naxçıvandakı cəzaçəkmə müəssisəsindən 2, Lənkərandakı cəzaçəkmə müəssisəsindən də 2 nəfər olmaqla, ümumilikdə 4 əfvə düşən şəxs cəzalarının çəkilməmiş hissəsindən azad olunub və sərbəst buraxılıb”, - Məmmədov bildirib.