Şərurun 12 kəndində və Yengicənin bir hissəsində işıq olmayacaq

Şərur rayonunun bir sıra yaşayış məntəqələrində oktyabrın 2-də saat 15:00-dan 17:00-dək elektrik enerjisinin verilişi müvəqqəti dayandırılacaq. Bu barədə “Azərişıq” ASC-nin Naxçıvan Regional Enerji Təchizatı və Satışı İdarəsindən (RETSİ) “Report”un yerli bürosuna məlumat verilib.

Bildirilib ki, fasilə 35/10 kV-luq Maxta, Muğanlı və Aralıq yarımstansiyalarında aparılacaq təmir işləri ilə əlaqədar olacaq.

Elektrik enerjisinin verilişində yaranacaq fasilə Maxta, Dəmirçi, Axaməd, Kərimbəyli, Qarabürc, Kürçülü, Kürkəndi, Qorçulu, Muğanlı, Alışar, Aşağı Aralıq və Xələc kəndlərini, həmçinin Yengicə kəndinin bir hissəsini əhatə edəcək.

Təmir işləri başa çatdıqdan sonra elektrik enerjisinin verilişinin daha keyfiyyətli və dayanıqlı şəkildə bərpa olunacağı bildirilib.