Misir Mərdanov 80 illik yubileyi münasibətilə “Şərəf” ordeni ilə təltif edilib

Keçmiş təhsil naziri Misir Mərdanov 80 illik yubileyi münasibətilə “Şərəf” ordeni ilə təltif edilib. Azərbaycan Prezidenti İlham Əliyev bununla bağlı Sərəncam imzalayıb.

Sərəncama əsasən, Misir Cumail oğlu Mərdanov “Azərbaycan Respublikasının ictimai-siyasi həyatında səmərəli fəaliyyətinə və elmi-pedaqoji sahədə böyük xidmətlərinə görə” “Şərəf” ordeni ilə təltif edilib.

Misir Mərdanovun 80 yaşı oktyabrın 3-də tamam olur.

Misir Mərdanov 1998-2013-cü illərdə Azərbaycanın təhsil naziri vəzifəsində çalışıb. O, riyaziyyatçı alimdir və uzun illər elmi-pedaqoji fəaliyyət göstərib.