Məsələ ilə bağlı, iqtisadçı ekspert Vahid Məhərrəmli ilə danışdıq.
"Azərbaycan
Rusiyadan və Qazaxstandan ərzaq buğdası idxal edirdi, artıq Rusiya və Qazaxıstan bir neçə gün əvvəl elan etdi ki, onlar ərzaq buğdasının idxalına məhdudiyyət
qoyurlar. Biz daha çox Rusiyadan idxal edirdik, təxminən idxal olunan buğdanın 85%-i
Rusiyadan idi, ancaq
indi Rusiya 7 milyon ton ərzaq buğdasının ixracına məhdudiyyət qoyub. Eyni zamanda yaranmış vəziyyət ərzaq buğdasının qiymətini kəskin şəkildə
artırıb. Bu da Azərbaycan
üçün ciddi problem yaradacaq. Çünki Azərbaycan ötən il istehlak etdiyi buğdanın 69.5%-ni xaricdən idxal edib”, - deyə ekspert bildirib.
Vahid Məhərrəmov deyir ki, əgər Rusiya və Qazaxıstan kimi Azərbaycanın daha çox idxal əməliyyatı keçirdiyi ölkələr hamısı qərar versə ki, ixraca məhdudiyyət qoysunlar, Azərbaycanda aclıq yarana bilər.
Onun sözlərinə görə, Azərbaycan beynəlxalq normalar çərçivəsinində özünün ərzaq tələbatını heç bir sahə üzrə təmin edə bilmir.
"Azərbaycanda ət norması 76 kq-dır, amma hətta idxal olunan ətlə birlikdə bu 36 kq təmin edilə bilir. Kartofnan bağlı bizim istehsalımız adambaşına 120-125 kq olmalıdır, amma 85-90 kq təmin edilir. Təsəvvür edirsiniz, bu norma heç idxalla da birlikdə ödənmir. Hətta ötən il, idxal olunan kartofun bir hissəsi toxum kimi istifadə olunub, bir hissəsi xarab olduğu üçün atılıb və adambaşına istehlak olunan kartof normanın 55%-i qədər olub”, - deyə Vahid Məhərrəmli bildirib.
Ekspert ümumilikdə əlavə edib ki, bizim ərzaq ehtiyyatımız o qədər deyil ki, bir müddətlik də olsa, əhalinin ərzaq məhsullarına olan təlabatını ödəyə bilək.
Onun sözlərinə görə, əgər idxal zəifləsə və ya dayansa, ölkədə qıtlıq yaranacaq və qiymət artımı olacaq.
"Bu dəqiqə anbarlarda o qədər məhsul yoxdur ki, ölkənin tələbatını bir müddətlik də olsa ödəyə bilsinlər. Beynəlxalq normalar var ki, əgər ölkə özünün daxili təlabatını ödəmək istəyirsə, daxili bazarın ən aşağısı 80%-i yerli istehsal olmalıdır. Odur ki, idxal zəifləsə, ölkə ciddi problemlər yaşayacaq”, - deyə Vahid Məhərrəmli bildirib.
İqtisadiyyat Nazirliyindən isə dedilər ki, hazırda ölkədə 4-5 aylıq ərzaqlıq buğda ehtiyatı var və bu dəyirmanların tələbatını tam ödəmək üçün yetərlidir. "Biz
Rusiya və Qazaxstandan un
idxal etmirik. Bir daha qeyd edirik ki, əhalinin ərzaq məhsulları ilə etibarlı
təminatı üçün sahibkarlar və dövlət tərəfindən zəruri tədbirlər görülmüş və
hazırda kifayət qədər ehtiyat mövcuddur", - deyə nazirlikdən bildirdilər.
www.anews.az
Bizi sosial şəbəkələrdə izləyin !