Metro istifadəçilərinə ŞAD XƏBƏR - FOTOLAR

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev bildirib ki, 1985-ci ildən istismarda olan "ET-5" tipli 3 köhnə eskalator demontaj edilərək, onların yerinə Almaniyanın "Thyssen Krupp" şirkətinin dayaz özüllü stansiyalar üçün nəzərdə tutulmuş "Tugela" tipli 2 eskalatoru quraşdırılıb. 3-cü eskalatorun yerində isə daş pilləkən inşa edilib.

Ötən müddət ərzində stansiyanın birinci vestibülündə eskalatorların dəyişdirilməsi ilə yanaşı, kassa zalında, keçidlərdə, xidməti otaqlarda təmir işləri aparılıb, turniketlər, elektrik avadanlıqları və işıqlandırma sistemi yenilənib. Görülən işlər çərçivəsində vestibülün və keçidlərin döşəmə və divarlarının mərmər-qranit örtüyü yenilənib.

 

Divarlarda 1990-cı ilin 20 yanvar qurbanlarının, həmçinin 1994-cü il martın 19-da bu stansiyada baş vermiş terror aktı nəticəsində həlak olanların adları əks olunmuş xatirə lövhələri yeni tərtibatla qurulub.